2019 елдагы Россия инвестиция-венчур форумы

2019 елдагы Россия инвестиция-венчур форумының рәсми сайты 

Россия венчур форумы 2019 елның 11 апрелендә “Казан Экспо” халыкара күргәзмәләр үзәгендә (Татарстан Республикасы, Зур Кабан авылы, Выставочная, 1) узды.

Форумны оештыручылар буларак Россия венчур инвестициясе ассоциациясе (РВИА) һәм Татарстан Республикасы инвестиция-венчур фонды чыгыш ясый. Чара Россия Федерациясе Хөкүмәте һәм Татарстан Республикасы Хөкүмәтенең, АО «РВК», РАВИ, АСИ, НАБА, СКОЛКОВО, INTERNATIONAL VENTURE CLUB, GTS, TECHTOUR зур игътибары астында узды.

Форум турында

Россия инвестиция-венчур форумы – Россиянең һәм чит илләрнең иң яхшы технология компанияләре, инвесторлар, бизнес-ангеллар һәм үсеш институтлары катнашындагы дискуссияләр өчен иң зур халыкара платформа.

Экспертлар индустрия үсешенең перспектив юнәлешләре: блокчейн, Россиягә валюталар керүне җайга салу, финтех, тармакны дәүләт җайга салуы мәсьәләләре, фандрайзинг, финанслауның альтернатив мөмкинлекләре, шулай ук фәнни үсеш өлкәсендә университет роле һәм инновация проектларын координацияләүнең яңа форматлары турында фикер алыштылар.

Startup Expo кысаларында оештыручылар иллеләп инвестиция проектларын тәкъдим иттеләр, 10 иң яхшы стартап-проектлар акселерация программасында катнашачаклар һәм 20 млн. сумга кадәр инвестицияләр алачаклар.

РВФ 2019 спикерлары:

• Рөстәм Миңнеханов — Татарстан Республикасы Президенты;
• Андрей Фурсенко — Россия Федерациясе Президенты ярдәмчесе;
• Сергей Поляков — Инновацияләргә ярдәм фонды генераль директоры;
• Василий Белов — “Сколково Венчурные инвестиции” ҖЧҖ генераль директоры;
• Александр Галицкий — Almaz Capital Partners венчур фондына нигез салучы һәм аның идарәче партнеры;
• Свен Меллер — Swisscom Blockchain AG токенизация хезмәте башлыгы;
• Свен Лингьярд — Endeavour Vision идарәче партнеры;
• Алексей Гирин — Starta Capital идарәче партнеры;
• Сюй Сяопинь — Фән һәм техниканы үстерүгә финанс ярдәме күрсәтү буенча Бөтенкытай ассоциациясе венчур инвестицияләре буенча комиссиянең генераль секретаре;
• Виталий Полехин — Бизнес Ангелов Милли Ассоциациясе президенты (БАМА).

Спикерларның тулы исемлеге

Форумның конгресс программасы кысаларында тармакның I2BF Global Ventures, Speedinvest, Larix, Сколково-венчурные инвестиции, Kama Flow, Phystech Ventures, Starta Capital, Внешэкономбанк, Сбербанк, Северсталь, Татнефть кебек лидерлары катнашындагы түгәрәк өстәл утырышлары узды.