FINA су спорт төрләрен үстерү үзәге

FINA су спорт төрләрен үстерү үзәге

Татарстан Республикасы Спорт министрлыгы һәм Халыкара йөзү федерациясе (FINA) арасында 2018 елның 22 нче сентябрендә Казанда FINA су спорт төрләрен үстерү үзәген төзү турында килешү имзаланды. Моңа чаклы дөньяда өч урында: АКШта, Таиландта һәм Сенегалда  мондый өч үзәк бар иде.

Үзәк турында

Үзәкнең бурычы – йөзүдә әллә ни зур уңышларга ирешә алмаган илләрдән булган спортчыларга дөнья чемпионатларына һәм Олимпия уеннарына әзерләнергә ярдәм итү, шулай ук  тренерлар һәм рәсми затлар /судьялар өчен белем бирү программаларын уздыру. 

Үзәк программасы үз эченә 5 модульне ала:

  • FINA стипендияләре (спортчылар өчен)

  • FINA квалификация үстерү курслары (тренерлар һәм рәсми затлар /судьялар өчен)

  • FINA мәктәпләре (рәсми затлар /судьялар өчен)

  • FINA тренерларын сертификацияләү программасы

  • FINA халыкара семинарлары

Объект һәм инфраструктура

FINA су спорт төрләрен үстерү үзәге Казан Олимпия резервы училищесының “Олимпиец” спорт комплексы базасында урнашкан. Объект 2013 елда төзелгән, ә 2015 елда ваннасы 2015 елдагы Су спорт төрләре буенча 16 нчы дөнья чемпионаты объектларының берсеннән күчерелгән бассейн төзелгән.

Бассейн нәтиҗәле тренировкалар уздыру өчен кирәкле барлык әйберләр белән җиһазландырылган. Бассейнда 50шәр метрлы  10 йөзү юлы бар. Объектта Татарстанның йөзү һәм су полосы буенча җыелма командалары шөгыльләнә. Бассейн FINA халыкара стандартларына туры килә һәм профессиональ команда тарафыннан карап тотыла.

Үзәк исемнәре билгеле булган спортчыларны өйрәтүче югары категорияле баш тренер Гөлнара Гарипова җитәкчелегендә эшли. Баш тренер Бөтенроссия йөзү федерациясе белән тыгыз элемтәдә тора,  федерация белгечләре һәр спортчы өчен, аның әзерлек дәрәҗәсеннән, сәләтеннән һәм ел дәвамында каралган шәхси спорт планыннан чыгып индивидуаль өйрәнүләр планын төзергә булышалар. Үзәк каршында шулай ук һәр спортчының нәтиҗәле үсешенә булышлык итә торган белгечләр эшли. 

Фото
Видео
  • 19 Августа 2018 - 12:30
    FINA су спорт төрләрен үстерү үзәге

Проектлар