Яңалыклар
Яңалыклар
Киңәйтелгән эзләү
Язылган көне:
алып кадәр
13 Февраль 2016 - 14:24
Казанда Бадминтон үзәге барлыкка килде. Объект “Казан теннис академиясе” белем бирү-спорт комплексы биләмәсендә урнашкан. Аның тантаналы ачылышында Татарстан Республикасы Президенты Рөстәм Миңнеханов та катнашты. Мәртәбәле кунаклар арасында Бөтендөнья бадминтон федерациясе президенты, Халыкара Олимпия комитеты әгъзасы Поуль-Эрик Хейер Ларсен, Россиянең милли бадминтон федерациясе президенты Сергей Шахрай, ТР яшьләр эшләре, спорт һәм туризм министры Владимир Леонов, Казан мэры Илсур Метшин һәм башка рәсми затлар бар иде.
10 Февраль 2016 - 18:02
Спорт министрлары һәм физик тәрбия һәм спорт өчен җаваплы җитәкче хезмәткәрләрнең VI халыкара конференциясе (МИНЕПС VI) 2017 елда Казанда узачак. Бу хакта бүген ЮНЕСКО генераль директоры Ирина Бокованың Россия Спорт министрлыгына юллаган хатыннан билгеле булды. Әлеге карар ЮНЕСКО вәкилләре декабрь аенда Казанны конференция уздыру мөмкин булган урын буларак караганнан соң кабул ителде.
4 Февраль 2016 - 17:17
Континентның иң яхшы командалары катнашачак “Чемпионнар фестивале” якынайганнан якыная бара. Мәскәү, Санкт-Петербург һәм Сочи белән берлектә Казан да 2017 елның 17 нче июненнән 2 нче июльгә кадәр 4 шәһәрдә узачак FIFA Конфедерацияләр кубогы стартына 500 көн калу чиген атлап чыкты. 2018 елда Россиядә футбол буенча FIFA дөнья чемпионатын оештыручы ил өчен әлеге турнирны уздыру әһәмияте, Татарстан башкаласының бу чарага ничек әзерләнүе турында Республика басма һәм массакүләм коммуникацияләр агентлыгында 4 нче февральдә булып узган брифингта сөйләштеләр. Брифингта статс-секретарь, Россия спорт министры урынбасары Наталья Паршикова, Татарстан Республикасы яшьләр эшләре һәм спорт министры урынбасары Хәлил Шәйхетдинов, 2018 елда футбол буенча FIFA дөнья чемпионатын оештыручы Казан шәһәрендә объектларны әзерләү һәм чараны оештыруга әзерлек идарәсе җитәкчсе Азат Кадыйров катнаштылар
3 Февраль 2016 - 18:23
Идел буе физик культура, спорт һәм туризм академиясенең Уку-лаборатория корпусы бинасында 3 нче февральдә Татарстан Республикасы Яшьләр эшләре һәм спорт министрлыгы коллегиясенең 2015 елга нәтиҗәләр ясалып, инде башланып киткән 2016 елга бурычлар билгеләнгән киңәйтелгән утырышы узды. Коллегия утырышында статс-секретарь – Россия спорт министры урынбасары Наталья Паршикова, Татарстан Республикасы Премьер-министры Илдар Халиков, Россия Дәүләт Думасының физик культура, спорт һәм яшьләр эшләре комитеты рәисенең беренче урынбасары Марат Бариев, Дәүләт Думасы депутаты Илдар Гыйльметдинов, ТР яшьләр эшләре һәм спорт министры Владимир Леонов, ТР Президент Аппараты, ТР Министрлар Кабинеты Аппараты хезмәткәрләре, министрлыклар, ведомстволар җитәкчеләре һәм башка рәсми затлар катнашты.
1 Февраль 2016 - 13:03
Узган ел Казанда узган ДЧ-2015 Халыкара йөзү федерациясе тарафыннан әлеге оешма тарихында иң яхшысы дип танылган. ДЧ буенча рәсми йомгаклау хисабы FINA бюросының 30 нчы гыйнварда Будапештта (Венгрия) узган чираттагы утырышында ясалды. Утырыш FINA президенты д-р Хулио Маглионе һәм FINA башкаручы директоры Корнель Маркулеску рәислегендә узды. Казанны Будапештта Татарстан Республикасы спорт һәм яшьләр эшләре министры Владимир Леонов, “Спорт һәм социаль проектлар дирекциясе” КБАО генераль директоры Азат Кадыйров һәм аның урынбасары Ранко Тепавчевич, шулай ук башка рәсми затлар тәкъдим итте. 
29 Гыйнварь 2016 - 10:11

Татарстанда бүген волонтерлык эшчәнлеге торган саен активлаша һәм аңа ихтыяҗ да арта бара – 2015 елда ирекле ярдәмчеләр өчен номинация кабаттан республиканың төп студентлар премиясе программасына керде. “Ел волонтеры” номинациясендә “Ел студенты 2015” премиясенә лаек булган Энҗе Ягъфәрова үзенең волонтерлык юлы һәм ни өчен үзеңне бу өлкәдә сынап карау кирәклеге турында сөйләде.

26 Гыйнварь 2016 - 10:54

Студентлар көнендә Идел буе дәүләт физик культура, спорт һәм туризм академиясенең волонтерлык үзәгенә мәртәбәле кунаклар – “Россия-2018” Оештыру комитеты” КБАОның волонтерлар белән эшләү департаменты директоры Татьяна Гомзякова һәм Кадрлар әзерләү милли фондының профессиональ белем бирү һәм фәнне үстерү департаменты җитәкчесе урынбасары Александр Клягин килделәр. Мәскәү кунаклары Татарстандагы коллегалары белән берлектә үзәкне сертификацияләү эшен башкардылар – бүгенге көннән башлап Казандагы үзәк рәсми төстә “аттестацияләнгән” һәм волонтерлык программасын гамәлгә ашыруга тулысынча әзер булган үзәкләр исемлегендә.

26 Гыйнварь 2016 - 09:43
Кичә Казан мэры Илсур Метшин Казан Ратушасында FINA Халыкара йөзү федерациясе президенты Хулио Маглионе һәм Халыкара йөзү федерациясе башкаручы директоры Корнель Маркулеску белән очрашты һәм FINA җитәкчелегенең чемпионатка әзерлеккә һәм аны уздыруга зур өлеш керткәнлекләрен билгеләп узды. Илсур Метшин фикеренчә, халыкара ярышлар Казанга үзен тагын бер тапкыр бар дөньяга таныту мөмкинлеген бирде.
25 Гыйнварь 2016 - 11:06

23-25 нче гыйнвар көннәрендә Казанда эш визиты белән FINA халыкара йөзү федерациясе җитәкчеләре – FINA президенты Хулио Маглионе һәм FINA башкаручы директоры Корнель Маркулеску булдылар. Шимбә көнне аларны Казан Кремлендә кабул иттеләр. Тантаналы чарада Татарстан Республикасы Президенты Рөстәм Миңнеханов та катнашты.