Яңалыклар
Яңалыклар
Киңәйтелгән эзләү
Язылган көне:
алып кадәр
11 Март 2016 - 12:04
Казан Кремлендә Россия Федерациясе Хөкүмәте Рәисе урынбасары Ольга Голодец һәм Татарстан Республикасы Президенты Рөстәм Миңнехановның WorldSkills International директорлар советында катнашучылар белән очрашуы булып узды. Чарада WorldSkills International президенты Саймон Бартли, Казан мэры Илсур Метшин, Россия Мәгариф һәм фән министрлыгының эшче кадрлар әзерләү һәм эш башкару өлкәсендә дәүләт сәясәте департаменты директоры Наталия Золотарева, “Ворлдскиллс Россия”Союзы генераль директоры Роберт Уразов һәм башкалар катнашты. Казандагы очрашу кысаларында Казанда 2019 елда WorldSkills стандартлары нигезендә һөнәри осталык буенча дөнья чемпионатын уздыру буенча үзара аңлашу турында Меморандум имзаланды.
11 Март 2016 - 12:01
2015 елның декабрендә “Россия-2018” Оештыру комитеты “Новогодняя история” акциясен башлап җибәрде. Илдәге балалар йортларында тәрбияләнүче балалар футбол турындагы викториналарда катнаштылар, җиңүчеләр исә үзләренең кумирларына – дөнья һәм Россия футболы йолдызларына хатлар язу мөмкинлегенә ия булдылар. Казанда әлеге акцияне, “Спорт һәм социаль проектлар дирекциясе” КБАО һәм “Роналд Макдоналд йорты” ярдәмендә, Идел буе дәүләт физик культура, спорт һәм туризм академиясе хезмәткәрләре һәм волонтерлары үткәрделәр.
8 Март 2016 - 10:50
8 нче мартта Казанда WorldSkills International директорлар советы утырышы ачыла. Анда WSI президенты Саймон Бартли, башкаручы директор Дэвид Хоуи, WSI директорлар советы һәм секретариаты әгъзалары катнаша. 9 нчы мартта исә WSI секретариаты катнашында дөнья чемпионатына әзерлек буенча проектлау сессиясе башланачак. Ул 15 нче мартка кадәр дәвам итә.
1 Март 2016 - 16:11
19-20 нче март көннәрендә Казанның “Ак Барс” көрәш сараенда авыр атлетика буенча РФ Президенты Кубогына ярышлар узачак. Ярышлар (Рио-де-Жанейрода узачак Олимпиада алдыннан әзерлек этапларының берсе) IWF Халыкара авыр атлетика федерациясе һәм Россия авыр атлетика федерациясе канаты астында узачак.
24 Февраль 2016 - 13:07
Күренекле телевидение алып баручысы, “Хезмәткә һәм оборонага әзер” Бөтенроссия физкультура-спорт комплексы Илчесе Яна Чурикова “Москвич” БЯСМ дәүләт бюджет учреждениесе базасында ГТО сынауларын тапшырды. Чурикова үз яшь баскычына караган сынауларны: йөгерү, эленеп торган көе биек колгага картылу, ераклыкка сикерү, сыгылмалылыкка тест сынауларын узды. Аның нәтиҗәләре алтын аерымлык билгесенә бәяләнерлек.
21 Февраль 2016 - 23:33
Бадминтон буенча Европа чемпионатының финал матчлары уенчылары уеннан алган тәэсирләре белән уртаклаштылар. 
21 Февраль 2016 - 16:20
Казанда 19 нчы февральдән алып 21енә кадәр бурган 15 яшькә кадәрге яшүсмерләр арасында Бадминтон буенча Европа беренчелеге тәмамланды. Турнирда 161 уенчы катнашты. Спортчылар биш категориядә: ир-атлар һәм хатын-кызлар арасында ялгыз разрядта, ир-атлар һәм хатын-кызлар арасында парлы разрядта, шулай ук микстта ярыштылар. 
21 Февраль 2016 - 15:30
Тарихта беренче тапкыр Европа беренчелеге финалына узу бәхетенә ирешкән французлар, Ян Йоргенсенны откан Брайс Левердес тырышлыгы белән, бары тик беренче уенны гына ота алдылар. Дания пары Мадс Конрад-Петерсен/Мадс Пилер Колдинг икенче матчта беренче геймны Бастиан Керсоди/Гаэтан Миттельхайссер дуэтына бирде, әмма чираттагы икесен бер авырлыксыз отты. Бу уңышсызлык Франция җыелма командасы уенчыларын сындырды булса кирәк, алар тагын ике матчта аларга артык каршы тормый гына бирештеләр.