Яңалыклар
Яңалыклар
Киңәйтелгән эзләү
Язылган көне:
алып кадәр
15 Сентябрь 2020 - 12:08
19-20 сентябрь көннәрендә Казанда I Бөтенроссия урам уеннары (URBAN GAMES) узачак, аның кысаларында якынча 80 медаль комплекты уйнатылачак. Ярышлар Көнчыгыш Европада урнашкан иң зур һәм яңа “Урам” паркында узачак һәм үзенә якынча 800 катнашучыны җыячак. Уеннарны оештыруда 200 волонтер ярдәм күрсәтәчәк.
10 Сентябрь 2020 - 17:58
Бүген, 10 сентябрь көнне, Россиянең спорт министры Олег Матыцин Казанга эшлекле сәфәр белән килде. Үзенең визиты кысаларында ул Татарстан Республикасы Президенты Рөстәм Миңнеханов белән очрашты. Яклар төбәктә физик культура һәм спорт үсеше, “Демография” милли проектының “Спорт – норма жизни” федераль проектын гамәлгә ашыру, заманча спорт инфраструктурасы үсеше һәм халыкны физкультура белән системалы шөгыльләнүгә җәлеп итү мәсьәләләре буенча фикер алыштылар.
7 Сентябрь 2020 - 09:34
4-7 сентябрь көннәрендә “Иннополис” Университеты территориясендә дүртенче халыкара “FISU Volunteer Leaders Academy” узды.
5 Сентябрь 2020 - 12:37
Бүген 100tatarstan.com проекты кысаларында “Казан – су спорты төрләренең тартылу һәм үсеш үзәге” дигән панель дискуссия узды, анда РФ Спорт министры Олег Матыцин чыгыш ясады.
3 Сентябрь 2020 - 11:25
Россиянең Махсус Олимпиадасы белән берлектә Россиянең Спорт министрлыгы 2022 елда Казанда узачак Махсус Олимпиаданың Бөтендөнья кышкы уеннарына логотип эшләүгә Бөтенроссия конкурсын үткәрү карары белән чыкты. Конкурсның оештыручысы буларак “Спорт һәм социаль проектлар дирекциясе” КБАО чыгыш ясый.
31 Август 2020 - 12:46
Зур халыкара чараларга заявка кампанияләре оештыру турында “100% Татарстан” онлайн-форумында “Спорт һәм социаль проектлар дирекциясе” генераль директоры Максим Денисов сөйләде. Форум 30 август көнне башланды һәм 2 атна дәвам итәчәк, шул вакыт эчендә онлайн-платформада панель дискуссияләр, фикер лидерлары белән туры эфирлар, интервью һәм мастер-класслар үтәчәк.
29 Август 2020 - 16:58
Бүген Казан Ратушасында Казан шәһәре көненә багышланган танатаналы җыелыш кысаларында Татарстан Автономияле Совет Социалистик Республикасының 100 еллыгы флагын сәламләү тантанасы узды. Тантанада Казан мэры Илсур Метшин катнашты, ул флагка Казан гербы төшкән чигелеш беркетте.
17 Август 2020 - 17:02
17-21 сентябрь көннәрендә Казанда узачак I Бөтенроссия урам Уеннарының рәсми сайты эшли башлады. Сайтка керүчеләр Уеннарның программасы, спорт төрләре, объект – “Урам” экстрим-паркы, шулай ук ярышларның клиент төркемнәренә күрсәтелүче хезмәтләр (аккредитация, урнаштыру, транспорт) турындагы мәгълүмат белән таныша алачак.
14 Август 2020 - 13:07
Казандагы FINA Су спорт төрләре үзәгенең үз сайты барлыкка килде. Порталның максаты спортчылар, спорт федерацияләре вәкилләре һәм партнерларны үзәк эшчәнлеге, аның структурасы, тренерлар составы, шулай ук анда стажировка үтүче спортчылар белән таныштырудан гыйбарәт булачак. Сайтта Халыкара йөзү федерациясе эгидасы астында Казанда узган ярышлар – аерым алганда, Су спорт төрләре буенча 16 нчы дөнья чемпионаты (2015), шулай ук алда көтелүче халыкара су турнирлары: кыска суда йөзү буенча FINA дөнья чемпионаты һәм Казан 2025 елда кабул итәчәк су “мундиале” турында мәгълүмат җыелган.