Ирек Зиннуров: “БДБ илләре уеннары халыкларыбызга бер-берсенә тагы да якынрак булырга ярдәм итәр дип ышанам”

Ирек Зиннуров: “БДБ илләре уеннары халыкларыбызга бер-берсенә тагы да якынрак булырга ярдәм итәр дип ышанам”

14 Февраль 2020 - 15:56
Волонтерлар Басма өчен версия

Беренче БДБ илләре уеннарының волонтерлар кампаниясе башлануга бүген Татарстан Республикасы Халыклар дуслыгы йортында узган Ярыш илчеләрен багышлау тантанасы багышланган иде. Ярыш илчеләре итеп ике тапкыр Олимпия уеннары призеры, депутат, БДБ эшләре, Евразия интеграциясе һәм ватандашлар белән элемтәләр буенча Дәүләт Думасы комитеты әгъзасы Ирек Зиннуров, “Доброволецы России – 2019” конкурсы җиңүчесе Инесса Клюкина, шулай ук Татарстан Республикасы Милли-мәдәни автономияләре вәкилләре сайланды.

“Мин БДБ илләре уеннары халыкларыбызга бер-берсенә тагы да якынрак булырга ярдәм итәр дип ышанам. Шулай булсын өчен, илче буларак, миннән торганның барысын да эшләячәкмен. Бүген волонтерлар кампаниясе старт ала. Волонтерлар ярышларны оештыруга зур өлеш кертә. Бергәләп Уеннарда дуслык атмосферасы булдыра алырбыз дип уйлыйм”, - дип билгеләп узды Ирек Зиннуров.

“Без ачык булырга әзер, яңа кунакларны елмаеп каршыларга әзер. Бик рәхәтләнеп җиң кызганып эшләргә дә әзербез. Уеннар командасына кушылыгыз. Кешеләр арасында чикләр булмасын иде. Дуслык һәм мәхәббәт атмосферасын бергә булдырыйк!” – диде Инесса Клюкина.

“БДБ илләре уеннары Казанда беренче тапкыр үтәчәк. Без өстебездә нинди җаваплылык ятканын аңлыйбыз, һәм ярышлар иң югары дәрәҗәдә үтсен өчен бездән торганны барысын да эшләргә тырышачакбыз”, - дип ассызыклап үтте Уеннарның яңа илчесе, Татарстанның әрмән яшьләре хәрәкәте лидеры Маринэ Арутюнян.

БДБ илләре уеннары илчеләре командасы составына түбәндәге затлар керде:

Заманли Турал Хазар оглы – Татарстан Республикасы Әзербайҗан милли-мәдәни автономиясе рәисе урынбасары.

Арутюнян Марине Валер кызы – Татарстан Республикасы Әрмән яшьләре хәрәкәте лидеры.

Кацер Валерия Вячеслав кызы – VII БДБ илләре мәктәп спорты халыкара фестиваленең иң яхшы волонтеры, “Ел волонтеры” шәһәр премиясе лауреаты, “Я – Добротворец” оешмасында “Замещающие семьи Казани” юнәлеше кураторы.

Цой София Борис кызы – Татарстан Республикасы казахлар җәмгыятенең яшьләр хәрәкәте лидеры.

Айбекова Сезим Айбек кызы – ТР кыргызлары яшьләр хәрәкәте рәисе.

Матвеева Александра Денис кызы – Беларусь Республикасының бокс буенча спорт остасына кандидат, яшүсмерләр арасында бокс буенча Белоруссиядә үткәрелгән республика ярышларында җиңүче.

Клюкина Инесса Арутюн кызы – Бөтенроссия “Доброволецы России – 2019” конкурсы җиңүчесе.

Самадов Алишер Искәндәр улы – Татарстан Республикасының чит ил студентлары арасында футбол буенча ярышларда җиңүче, Казан милли тикшеренү техник университетында тажик яшьләре хәрәкәте җитәкчесе.

Атдаев Назар Оразбердиевич – Татарстан Республикасы төрекмән яшьләре хәрәкәте лидеры, “Татарстан Республикасының ел студенты” премиясенең “Чит ил студенты” номинациясендә җиңүче.

Бобохонов Камолиддин Нуриддин угли – “Татарстан Республикасының ел студенты – 2019” премиясенең “Гран-при” номинациясендә җиңүче.

Камзина Олеся Лев кызы – Казанның украиннар җәмгыяте активисты, аз керемле гаиләләрдәге балалар, инвалид балалары булган гаиләләр һәм күп балалы гаиләләр өчен “РазУмка” хәйрия проекты җитәкчесе.

Зиннуров Ирек Хәйдәр улы – Россия спортчысы, сәясәтче. Ватерполчы, ике тапкыр Олимпия уеннары призеры (2000 һәм 2004), дөнья һәм Европа чемпионаты призеры, Россиянең атказанган спорт остасы. VII чакырылыш Дәүләт Думасы депутаты, Дәүләт Думасының БДБ эшләре, Евразия интеграциясе һәм ватандашлар белән элемтәләр комитеты әгъзасы.

“Спорт һәм социаль проектлар дирекциясе” КБАО матбугат хезмәте

Фото

Яңалыклар