Казанда беренче тапкыр синхрон йөзү буенча дөнья сериясе этабы узачак

Казанда беренче тапкыр синхрон йөзү буенча дөнья сериясе этабы узачак

6 Март 2019 - 17:34
Рәсми хроникаСпортМәдәниятВолонтерларИнтервью Басма өчен версия

Казанның Су спорт төрләре сараенда 19-21 апрель көннәрендә узачак Синхрон йөзү буенча FINA дөнья сериясе этабына билетлар сатуга чыкты. Бу төрдәге ярышлар Казанда әле беренче тапкыр уза. ССТСда бер үк вакытта Синхрон йөзү буенча Россия чемпионаты да узачак.

Дөнья сериясенең Казан этабы 2019 елда өченчесе булачак. 2019 елда Синхрон йөзү буенча дөнья сериясенең сигез этабы узачак. Аларны Париж (Франция, 28 февраль-3 март), Александруполис (Греция, 4-7 апрель), Казан (Россия, 19-21 апрель), Токио (Япония, 27-29 апрель), Пекин (Кытай, 4-6 май), Гринсборо (АКШ, 24-26 май), Квебек (Канада, 30 май-1 июнь) һәм Барселона (Испания, 31 май-2 июнь) кабул итәчәк.

"FINA Халыкара йөзү федерациясе Россиянең 2019-2021 елларда синхрон йөзү буенча дөнья сериясе этапларының берсен уздыру турындагы инициативасын хуплады",-дип сөйләде "Спорт һәм социаль проектлар дирекциясе" КБАО генераль директоры урынбасары Ранко Тепавчевич. Аның сүзләренә караганда, Дөнья сериясенең Казан этабында катнашуын дөнья синхрон йөзү лидеры - Россия җыелма командасы раслады инде.

2019 елдагы өч көнлек спорт программасы үз эченә төркемнәрне (техник һәм ирекле программалар), солоны (техник һәм ирекле программалар), дуэтларны, катнаш дуэтларны (техник һәм ирекле программалар), комби программаны, акробатик төркемне ала. Һәр дисциплинада этаплар суммасы буенча иң яхшы җыелма командалар Супер-финалда чыгыш ясаячаклар.

Ярышларга билетларны билет операторының сайтында онлайн режимда да, шулай ук шәһәр кассаларында да алырга була. Билетларга бәяләр – 200 сумнан алып 400 сумга кадәр.

“Спорт һәм социаль проектлар дирекциясе” КБАО Медиа департаменты

Яңалыклар