Яңалыклар
Яңалыклар
Киңәйтелгән эзләү
Язылган көне:
алып кадәр
24 Март 2017 - 15:32

Суга сикерү буенча FINA дөнья сериясе этабына билетлар сатуга чыкты. Аларны дирекция сайтында һәм шәһәр кассаларыннан сатып алырга мөмкин. Билетларга бәяләр 150 сумнан башлап 300 сумга кадәр. Ярышлар барган көннәрдә билетларны шулай ук Су спорт төрләре сарае кассаларыннан да алып булачак. 

16 Март 2017 - 17:19
Март ахырында Казанга кабаттан дөньяның иң яхшы суга сикерүчеләре җыелачак. Суга сикерү буенча 2017 елдагы ФИНА дөнья сериясе этабы Татарстан башкаласында өченче тапкыр уздырылачак (беренче тапкыр Казан әлеге ярышларны 2015 елда узган ДЧ алдыннан кабул иткән иде). Һәм өченче тапкырында да турнир Су спорт төрләре сараенда узачак.
9 Март 2017 - 18:42
Россиядә FIFA Конфедерацияләр Кубогы башланып китәргә нәкъ 100 көн калды. 9 нчы мартта бу истәлекле датаны 2017 елда Конфедерацияләр Кубогы матчларын оештыручы шәһәрләрнең һәркайсы үзенчә билгеләп узарга карар кылган. Казанда бу көнне Идел буе спорт һәм туризм академиясенең шәһәр волонтерларын әзерләү үзәгенә булачак ярдәмчеләргә уңышлар теләп Россия җырчысы, композитор, җырлар авторы, актриса һәм чараны оештыручы Казан шәһәре Илчесе Нюша килде.
3 Март 2017 - 20:00
Казанда 2 нче марттан алып 4есенә кадәр “Образование России” EDU Russia халыкара форумы уза. Чарадагы күргәзмәдә һөнәри осталык буенча WorldSkills Kazan 2019 дөнья чемпионаты стенды да тәкъдим ителде, аны презентацияләү кысаларында исә алда торган ярышларга планнар һәм әзерлек эшләре йомгаклары турында да сөйләделәр.
2 Март 2017 - 17:12
Казанда 22 нче һәм 23 нче июль көннәрендә дөньядагы иң тиз узыш сериясе – Red Bull Air Race ярышлары узачак. Әлеге ярышларны уздыру турындагы килешү бүген, 2 нче мартта, Татарстан Республикасы Министрлар Кабинетында Татарстан Республикасы Президенты Рөстәм Миңнеханов катнашында имзаланды. Килешүне имзалау тантанасыннан соң ук Татарстан Республикасы яшьләр эшләре һәм спорт министры Владимир Леонов һәм Red Bull Air Race GmbH генераль директоры Эрих Вольф журналистларның алда торган ярышлар буенча сорауларына җаваплар бирделәр.
28 Февраль 2017 - 15:27
28 нче февральдә Сочида уза торган Россия инвестиция форумы кысаларында беренче “Һөнәри осталык буенча WorldSkills Kazan 2019 дөнья чемпионаты Илчесенә” багышлау тантанасы узды. Беренче Илче - күренекле ресторатор, пешекче, телевидение алып баручысы һәм бизнесмен Аркадий Новиков.
16 Февраль 2017 - 10:05
Татарстан җыелма командасы Казанның Спорт сараенда 15 нче февральдә узган дөнья хоккее легендаларының иптәшләрчә матчында “Филадельфия Флайерз” командасын җиңде. Командалар 7:6 исәбенә уйнадылар. Очрашу җиңүчесе буллитлар сериясендә ачыкланды.
16 Февраль 2017 - 09:50
Казанда ГТО мәсьәләләре буенча семинар-киңәшмә тәмамланды. Төбәк семинары ГТО комплексының Россиянең барлык федераль округларындагы белгечләренә белем бирүне башлап җибәрде.
7 Февраль 2017 - 15:46
Казанда 15 нче февральдә дөнья хоккее легендалары - “Филадельфия Флайерз” командасы һәм Татарстан Республикасы җыелма командасы уенчылары арасында иптәшләрчә хоккей матчы узачак. Танылган спортчылар кабаттан Россиянең спорт башкаласына җыелып, Казан халкына бәйрәм кәефе бүләк итәчәкләр. Матчка керү ирекле.