Дирекция турында

Дирекция турында

“Спорт һәм социаль проектлар дирекциясе” КБАО

“Спорт һәм социаль проектлар дирекциясе” КБАО - Казан шәһәрендә гомуммилли һәм халыкара дәрәҗәдәге спорт чараларын һәм социаль чараларны рәсми оештыручы. Дирекциянең генераль директоры Азат Рифгать улы Кадыйров.

Оешма 2009 елның 14 нче августында 2013 елда Казанда XXVII Бөтендөнья җәйге универсиадага һәм башка рәсми спорт чараларына әзерлек һәм аларны уздыру максатыннан оештырыла. Алга таба Дирекция эшчәнлеге максатларының исемлеге киңәйтелә һәм үз эченә 2015 елда Казанда Су спорт төрләре буенча 16 нчы ФИНА дөнья чемпионатын һәм Су спорт төрләре буенча “Мастерс” категориясендәге 16 нчы ФИНА дөнья чемпионатын, башка халыкара спорт ярышларын, социаль, мәдәни, белем бирү һәм башка чараларга әзерлек һәм аларны уздыруны да ала.

Гомумроссия спорт федерацияләре белән хезмәттәшлектә Дирекция Татарстан Республикасында Россиянеке булган һәм халыкара турнирларны оештыруда һәм уздыруда актив катнаша. Спорт проектларыннан тыш “FairPlay” халыкара премиясен тапшыру тантанасы, 2014 һәм 2015 елларда WorldSkills Russia Һөнәри осталык буенча милли чемпионатлар кебек масштаблы чаралар, шулай ук Казан шәһәренең 2019 елда WorldSkills (“Ворлдскиллс”) стандартлары буенча Һөнәри осталык буенча дөнья чемпионатын уздыру хокукына заявка кампаниясе оештырылды.

Хәзерге вакытта Россия Федерациясе Мәгариф һәм фән министрлыгы, “Яңа проектларны алга этәрү буенча стратегик инициативалар агентлыгы” КБАО һәм “Ворлдскиллс Россия” һөнәри җәмгыятьләр һәм эшче кадрларны үстрү агентлыгы” союзы белән берлектә Дирекция 2019 елда Казанда WorldSkills стандартлары буенча Һөнәри осталык буенча дөнья чемпионатын уздыруга актив әзерлек эшләре алып бара.

Россия Федерациясе Спорт министрлыгы тәкъдиме белән Дирекция Россия Федерациясендә “Хезмәткә һәм оборонага әзер” Бөтенроссия физкультура-спорт комплексын үткәрү буенча оператор итеп билгеләнде.

“Спорт һәм социаль проектлар дирекциясе” КБАОны гамәлгә куючылар булып Россия Федерациясе Спорт министрлыгы йөзендә Россия Федерациясе, Татарстан Республикасы Министрлар Кабинеты йөзендә Татарстан Республикасы, “Казан шәһәре муниципаль берәмлеге башкарма комитетының җир һәм мөлкәти мөнәсәбәтләр комитеты” муниципаль казна учреждениесе йөзендә Казан шәһәре муниципаль берәмлеге һәм “Россия студентлар спорт союзы” гомумроссия иҗтимагый оешмасы тора.